2023 ОНЫ 7 ДУГААР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

 / 2023 оны 07-р сарын 21-нээс 2023 оны 07-р сарын 31-ний өдрийг хүртэл /

Температур: Агаарын дундаж температур нийт нутгаар 23.9-28.9 градус дулаан /1 дүгээр зураг/, олон жилийн дундажтай харьцуулбал Хөвсгөл сумын нутгаар дунджын 0.7 градусын орчим, бусад сумдын нутгаар 1.2-4.0 градусаар дулаан байлаа /2 дугаар зураг/. Үнэмлэхүй их температур өдөртөө Хөвсгөл, Айраг, Сайншанд сумдын нутгаар 39 градус дулаан. Хөрсний гадаргын дундаж температур нийт нутгаар 29-35 градус дулаан, үнэмлэхүй их температур өдөртөө Дэлгэрэх сумын нутгаар 67 градус дулаан, үнэмлэхүй бага температур шөнөдөө Эрдэнэ сумын нутгаар 8 градус дулаан байлаа.

Хур тунадас: Энэ 10 хоногт Хөвсгөл суманд 42.6 мм, Өргөн суманд 42.1 мм, Эрдэнэ суманд 29.4 мм, Алтанширээ суманд 18.2 мм, Сайхандулаан суманд 15.7 мм, Хатанбулагт суманд 14.0 мм, Замын-Үүд суманд 13.9 мм, Улаанбадрах суманд 10.1 мм, Сайншанд суманд 9.3 мм, Дэлгэрэх суманд 5.2 мм, Мандах суманд 2.4 мм, Иххэт суманд 0.3 мм,  бороо, аадар бороо орлоо /3 дугаар зураг/. Орсон хур тунадасны нийлбэрийг олон жилийн дундажтай харьцуулахад: Мандах, Дэлгэрэх, Айраг, Иххэт сумдын нутгаар дунджаас бага, Сайншанд сумын нутгаар дунджын орчим, бусад нутгаар дунджаас ахиу байлаа /4 дүгээр зураг/.

Салхи: 10 хоногт салхины хамгийн их хурд Сайншанд сумын нутгаар 23м/с, Хөвсгөл сумын нутгаар 20м/с, бусад сумдын нутгаар 9-17м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-5 өдөр байв.

Бэлчээрийн ургамал: 7 дугаар сарын сүүлчийн 10 хоногийн байдлаар бэлчээрийн ургамлын дундаж өндөр 3-11 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх сумын нийт нутгаар, Эрдэнэ сумын зүүн, Иххэт, Айраг сумын хойд, Өргөн сумын зүүн, өмнө, Хатанбулаг сумын хойд, өмнө, зүүн хэсгээр ургамлын ургалтын байдал хэвийн, Сайншанд сумын зүүн, Мандах сумын нийт нутгаар, Хөвсгөл сумын зүүн, өмнө, Эрдэнэ сумын баруун, хойд, өмнө, Айраг, Иххэт сумдын баруун, зүүн, өмнө, Алтанширээ сумын баруун, хойд, зүүн, Өргөн сумын баруун, өмнө, Сайхандулаан, Улаанбадрах сумын баруун, хойд, зүүн, Хатанбулаг сумын баруун хэсгээр ургамлын ургалтын байдал дунд, бусад нутгаар ургалтын байдал муу байна./5 дугаар зураг/

МАА-н үйлдвэрлэлд:  Малын ноос хяргах, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.

7 ДУГААР САРЫН ЦАГ АГААРЫН НӨХЦӨЛИЙН ТОЙМ

Температур: Агаарын дундаж температур нийт нутгаар 21.9-26.3 градус дулаан /1 дүгээр зураг/, олон жилийн дундажтай харьцуулбал Алтанширээ, Өргөн, Улаанбадрах сумдын нутгаар дунджаас 0.3-0.7 градусаар дулаан, бусад сумдын нутгаар 1.0-1.4 градусын орчим байлаа/ 2 дугаар зураг/. Үнэмлэхүй их температур өдөртөө Замын-Үүд, Эрдэнэ, Хөвсгөл, Айраг, Сайншанд сумдын нутгаар 39 градус дулаан. Хөрсний гадаргын дундаж температур нийт нутгаар 26-32 градус дулаан, үнэмлэхүй их температур өдөртөө Дэлгэрэх сумын нутгаар 67 градус дулаан, үнэмлэхүй бага температур шөнөдөө Эрдэнэ, Замын-Үүд, Мандах сумдын нутгаар 8 градус дулаан байлаа.

Хур тунадас: Энэ 10 хоногт Хөвсгөл суманд 22.9 мм, Өргөн суманд 63.1 мм, Эрдэнэ суманд 52.0 мм, Алтанширээ суманд 22.2 мм, Сайхандулаан суманд 30.5 мм, Хатанбулагт суманд 45.2 мм, Замын-Үүд суманд 20.9 мм, Улаанбадрах суманд 50.6 мм, Сайншанд суманд 15.9 мм, Дэлгэрэх суманд 25.7 мм, Мандах суманд 38.8 мм, Иххэт суманд 48.3 мм, Айраг сумын нутгаар 28.4 мм бороо, аадар бороо орлоо /3 дугаар зураг/. Орсон хур тунадасны нийлбэрийг олон жилийн дундажтай харьцуулахад: Сайншанд, Замын-Үүд, Дэлгэрэх сумдын нутгаар дунджаас бага, Хөвсгөл, Айраг, Алтанширээ, Иххэт, Сайхандулаан сумын нутгаар дунджын орчим, бусад нутгаар дунджаас ахиу байлаа /4 дүгээр зураг/.

Салхи: 10 хоногт салхины хамгийн их хурд Сайншанд, Мандах, Хөвсгөл, Эрдэнэ сумдын нутгаар 23м/с, бусад сумдын нутгаар 9-19м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 9-20 өдөр байв.